Holan myndaðist á West Virgina Route 20 við hlið lögreglustöðvarinnar í Hinton. Það gerðist í júní. Þá var hún tæpir tveir metrar í þvermál og um níu metrar á dýpt. CNN segir að samkvæmt upplýsingum frá embættismönnum þá hafi hún myndast þegar 90 ára gamlar lagnir neðanjarðar hrundu saman.
Það var brugðist við þessu í sumar og uppfyllingarefni komið fyrir í holunni en þegar fellibylurinn Nicole gekk yfir fyrr í mánuðinum gerði mikla úrkomu og skolaði hún uppfyllingarefninu á brott og stækkaði holuna enn frekar.
Á laugardaginn var hafist handa við að gera bráðabirgðabrú yfir holuna en eins og nafnið gefur til kynna þá er það aðeins bráðabirgðalausn. Koma þarf stállögnum fyrir undir veginum og verður verkið boðið út á næstunni. Það mun líklega kosta um 5 milljónir dollara en það svarar til um 720 milljóna íslenskra króna.
Reiknað er með að þeir nemendur sem þurftu að sætta sig við fjarkennslu síðustu daga geti mætt í skólann í þessari viku þegar bráðabirgðabrúin er tilbúin.