„Ég og kærastinn minn höfum verið saman um hríð. Í byrjun sambandsins stunduðum við kynlíf stanslaust allan daginn. En núna getur hann ekki haldið reisn eftir fyrstu samfarirnar. Hann segir að þetta sé ekki mér að kenna og að tilfinningar hans til mín séu ekki horfnar. Hann segir einnig að þetta hafi aldrei gerst áður.“

Svona hefst bréf sem kona ein sendi The Guardian og Pamela Stephenson Connolly, sálmeðferðarfræðingur, svaraði.

Hún bendir konunni á að unnustinn sé ekki vél, þótt það geti verið að hann telji að það sé það sem hún haldi um hann. Það sé vel þekkt að karlar þurfi tíma til að ná reisn á nýjan leik eftir sáðlát.

Konur geti hins vegar verið klárar í slaginn skömmu eftir fullnægingu og það geri að verkum að sumir telji að það sé óeðlilegt að karlar verði að bíða eftir að ná reisn á nýjan leik. Það sé hins vegar eðlilegt.