Á síðasta ári þurftu mörg þúsund manns að leita á bráðadeildir breskra sjúkrahúsa af ýmsum ástæðum. Meðal óvenjulegustu ástæðnanna eru kynni fólks af sporðdrekum, rottum, leiktækjum og sláttuvélum.

Þetta kemur fram í nýlegri umfjöllun Sky News. Þar kemur fram að 5.600 manns hafi þurft að leita á bráðadeildir eftir að hafa orðið fyrir óhappi þar sem rafmagnsverkfæri komu við sögu. 2.700 lentu í óhappi þar sem hamar eða sög kom við sögu.

5.300 manns meiddust við að detta af leiktækjum á leikvöllum og voru tugir þeirra eldri en þrjátíu ára og átta voru eldri en níutíu ára.

962 slösuðust við trjáklifur og 349 slösuðu sig á sláttuvélum.

7.360 voru bitnir af hundum og 47 af rottum. 60 voru bitnir af eitruðum köngulóm og 4 af sporðdrekum. Níræð kona var flutt á bráðadeild eftir að hafa verið bitinn af krókódíl.

153 þurftu að leita sér aðstoðar vegna sólbruna og 18 eftir að hafa orðið fyrir eldingu.