Þegar þér er kalt virkar ónæmiskerfi líkamans ekki eins vel og venjulega. Af þeim sökum verður þú móttækilegri fyrir allskonar bakteríum og veirum. Ein af ástæðunum fyrir þessu er að æðarnar kreppast saman í kuldanum til að missa ekki of mikinn hita frá sér.

Þegar blóðflæðið verður minna berast færri ónæmisfrumur og mótefni til slímhimnanna í öndunarveginum. Þegar svona er komið á kvefveiran betri möguleika á að komast hjá aðgerðum ónæmiskerfisins við henni. Hún getur þá sýkt frumur og styrkt sig.

En það hvort þú kvefast er ekki bara spurning um hvort frumur ónæmiskerfisins ná tímanlega til þeirra fruma sem sæta árás.  Fyrir sjö árum sýndi Akiko Iwasaki, ónæmisfræðingur við Yale háskólann í Connecticut í Bandaríkjunum, fram á að kuldi dragi úr virkni ónæmiskerfisins. Kuldi dregur því úr virkni þess og auðveldar þannig kvefveirum að sýkja þig.