fbpx
Sunnudagur 22.maí 2022
Pressan

Telja að 50 ára gömul spá um endalok siðmenningarinnar sé að rætast – Kannski óþarfi að gera langtímaáætlanir

Kristján Kristjánsson
Föstudaginn 28. janúar 2022 06:00

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Árið 1972 notuðu vísindamenn tölvu til að reikna út hvenær endalok siðmenningarinnar, eins og við þekkjum hana, muni hefjast. Niðurstöðurnar eru kannski óþægilegar að margra mati því við erum komin ansi nærri niðurstöðum útreikninganna.

Það voru vísindamenn við Massachusetts Institute of Technology (MIT) sem notuðu margvísleg gögn við útreikningana, til dæmis um mannfjölda, náttúruauðlindir og orkunotkun. Út frá þessum þáttum reiknaði tölva út hvenær hrun samfélagsins muni hefjast.

Niðurstaðan var að hrunið verði nærri miðri öldinni eða nánar tiltekið 2040. Það er því ekki langt í það ef útreikningarnir reynast réttir. Niðurstaða útreikninganna var birt af Club of Rome en þær sýna fram á að hagvöxtur geti ekki haldið endalaust áfram og það muni á endanum leiða til hruns iðnvædds heims.

Rannsóknin var ekki tekin mjög alvarlega á sínum tíma og mikið grín var gert að henni að sögn the Guardian. En árið 2009 gerði annar hópur vísindamanna svipaða rannsókn sem var birt í American Scientist. Niðurstaða hennar var að niðurstöður fyrri rannsóknarinnar væru nær algjörlega að ganga eftir.

Á síðasta ári staðfesti Gaya Herrington, hollenskur sérfræðingur í rannsóknum á sjálfbærni, að niðurstöður rannsóknanna væru réttar. Í samtali við the Guardian sagði Herrington, sem starfar fyrir KPMG endurskoðunarfyrirtækið, að núverandi gögn passi við það sem spáin frá 1972 segir fyrir um. Samkvæmt henni stöðvist hagvöxtur í lok þessa áratugs og um 10 árum síðar hrynji allt saman.

En hún hafði líka góð tíðindi að færa því ein af niðurstöðum rannsóknar hennar er að við höfum enn tækifæri til að bregðast við svo siðmenningin, eins og við þekkjum hana, hrynji ekki til grunna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Mesti aðdáandi McDonald’s í heiminum – Hefur borðað Big Mac daglega í 50 ár

Mesti aðdáandi McDonald’s í heiminum – Hefur borðað Big Mac daglega í 50 ár
Pressan
Í gær

Nýtt myndband úr hryllingsárásinni í Kongsberg sem skelfdi Íslendinga

Nýtt myndband úr hryllingsárásinni í Kongsberg sem skelfdi Íslendinga