Á ársfjórðungnum nam sala fyrirtækisins 123,9 milljörðum dollara. Það er 11% hærri upphæð en á sama tíma árið 2020 að því er segir í fréttatilkynningu frá Apple.
Haft er eftir Tim Cook, forstjóra fyrirtækisins, að þessi góða niðurstaða byggist á besta úrvali sögunnar hjá fyrirtækinu af vörum og þjónustu.
Söluhæsta varan var iPhone en salan á símunum stóð undir rúmlega helmingi veltunnar á fjórðungnum en hún nam 71,6 milljörðum dollara.