fbpx
Miðvikudagur 18.maí 2022
Pressan

Frakkar þrengja enn að óbólusettum – Nýjar takmarkanir taka gildi í dag

Kristján Kristjánsson
Mánudaginn 24. janúar 2022 07:11

Margir mótmæltu nýju aðgerðunum á laugardaginn. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í dag taka nýjar sóttvarnaaðgerðir gildi í Frakklandi en þær ná aðeins til þeirra sem ekki eru bólusettir gegn kórónuveirunni. Frá og með deginum í dag mega þeir sem eru ekki bólusettir eða hafa ekki smitast af veirunni ekki lengur fara á veitingastaði og bari eða sækja íþrótta- og menningarviðburði. Þeir mega heldur ekki ferðast með lestum sem aka á lengri leiðum.

Þessar aðgerðir eru teknar upp á sama tíma og Frakkar hefja notkun kórónupassa en handhafar slíks passa verða að sýna hann sem sönnun þess að þeir hafi verið bólusettir eða hafi smitast af kórónuveirunni ef þeir vilja fá aðgang að opinberum stöðum og viðburðum. Það dugir sem sagt ekki lengur að framvísa neikvæðri niðurstöðu úr sýnatöku.

Í fyrstu verður þó sú undanþága í gildi að þeir sem hafa ákveðið að láta bólusetja sig á næstunni geta framvísað neikvæðri niðurstöðu úr sýnatöku.

Þessar aðgerðir hafa vakið upp miklar deilur í Frakklandi. Stjórnlagaráð landsins segir að þessar takmarkanir megi aðeins vara svo lengi sem þörf er á því vegna heimsfaraldursins og að ekki megi neita óbólusettum um aðgang að pólitískum viðburðum.

Yfirvöld vonast til að með þessum aðgerðum verði hægt að halda aftur af útbreiðslu faraldursins. Á síðustu sjö dögum hefur fjöldi greindra smita verið um 3.300 á hverja 100.000 íbúa. Þrátt fyrir háar smittölu er stefnt að því að slaka á þeim sóttvarnaaðgerðum sem beinast að bólusettu fólki í næsta mánuði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Vaknaði eftir að hafa verið í dái í sex mánuði – Fékk skelfilegar fréttir

Vaknaði eftir að hafa verið í dái í sex mánuði – Fékk skelfilegar fréttir
Pressan
Fyrir 2 dögum

Vilja senda nektarmyndir af fólki út í geim

Vilja senda nektarmyndir af fólki út í geim
Pressan
Fyrir 4 dögum

Átök glæpagengja á Haíti hafa kostað á annað hundrað manns lífið

Átök glæpagengja á Haíti hafa kostað á annað hundrað manns lífið
Pressan
Fyrir 4 dögum

Apple hættir framleiðslu iPod

Apple hættir framleiðslu iPod
Pressan
Fyrir 5 dögum

Myrti unnustuna og fór út í garð til að grafa líkið – Þá gripu örlögin í taumana

Myrti unnustuna og fór út í garð til að grafa líkið – Þá gripu örlögin í taumana
Pressan
Fyrir 6 dögum

Jóakim prins og Alexandra greifynja sendu tilkynningu frá sér – „Við erum brjáluð“

Jóakim prins og Alexandra greifynja sendu tilkynningu frá sér – „Við erum brjáluð“