Forbes skýrir frá þessu. Fram að þessu hefur hin svokallað austurleið um Tyrkland og Eyjahaf til Grikklands verið vinsælasta leiðin. Þar á eftir hefur leiðin frá Tyrklandi til Kýpur notið vinsælda. En nú notar förufólk, sem kemur frá norðanverðri Afríku, þrjár aðrar leiðir. Ein er frá Líbíu yfir Miðjarðarhafið til ítölsku eyjunnar Lampedusa eða til Möltu. Önnur er frá Marokkó yfir Gíbraltarsund til spænska meginlandsins. Sú þriðja er síðan frá norðvestanverðri Afríku yfir Atlantshafið til Kanaríeyja.
En þessar leiðir eru mun hættulegri en þær sem voru mest notaðar áður og fleiri látast á leiðinni.
Ein „lúxusleið“ er í boði fyrir efnamesta förufólkið en þá er því smyglað frá Tyrklandi yfir gríska meginlandið og til Ítalíu en þetta er dýr leið og því fáir sem hafa efni á að nota hana.
