fbpx
Miðvikudagur 25.maí 2022
Pressan

Enn fækkar barnsfæðingum í Kína – Tíðnin hefur ekki verið lægri í 61 ár

Kristján Kristjánsson
Sunnudaginn 23. janúar 2022 07:30

Frá Kína. Mynd úr safni

Ekki missa af Helstu tíðindum dagsins í pósthólfið þitt

Lesa nánar

Kínversk yfirvöld hafa tilkynnt um meiriháttar breytingar á ýmsum sviðum til að takast á við sífellt lægri fæðingartíðni í landinu. Meðal þess sem verður gert er að hækka eftirlaunaaldurinn og heimila fólki að eignast þrjú börn.

Á síðasta ári fæddust 10,62 milljónir barna í landinu og 10,14 milljónir landsmanna létust. Fæðingarnar voru því aðeins fleiri en andlátin. Þessar 10,62 milljónir nýrra Kínverja svara til þess að 7,52 börn hafi fæðst á hverja 1.000 landsmenn að sögn hagstofu landsins. Dánartíðnin var 7,18 á hverja 1.000 landsmenn. Fólksfjölgunin var því aðeins 0,34 á hverja 1.000. The Guardian skýrir frá þessu.

Manntal, sem var gert í maí á síðasta ári, leiddi í ljós að Kínverjum hafði fjölgað um 0,53% á milli ára en frá 2000 til 2010 var fjölgunin 0,57%.

Kínverjar glíma líkt og fleiri Asíuþjóðir við lækkandi fæðingartíðni og framtíðarsýn þar sem fólki mun fækka og meðalaldurinn hækka. Tölur hagstofunnar sýna að hlutfall 60 ára og eldri af heildarmannfjöldanum hækkaði úr 18,7% 2020 í 18,9% á síðasta ári.

Stjórnvöld hafa gripið til þess ráðs að hækka eftirlaunaaldurinn, heimila hjónum og pörum að eignast þrjú börn en áður hafði þeim verið heimilað að eignast tvö börn frá 2016 eftir áratuga eins barns stefnu. Hár framfærslukostnaður er sagður halda aftur af barneignum sem og sú staðreynd að fólk gengur síðar í hjónaband nú en áður. Einnig kemur lítil félagsleg virkni fólks við sögu. Stjórnvöld hafa reynt að bregðast við þessu með því að banna dýra einkakennslu og heitið betra aðgengi að barnagæslu og bættu fæðingarorlofi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Segir að Trump hafi íhugað að hætta eftir „grab ‘em by the pussy“ ummælin

Segir að Trump hafi íhugað að hætta eftir „grab ‘em by the pussy“ ummælin
Pressan
Í gær

Apabóla dreifir sér í Bretlandi – Mæla með þriggja vikna einangrun

Apabóla dreifir sér í Bretlandi – Mæla með þriggja vikna einangrun
Pressan
Fyrir 2 dögum

Var við dauðans dyr eftir notkun eyrnapinna

Var við dauðans dyr eftir notkun eyrnapinna
Pressan
Fyrir 2 dögum

Gerði skelfilega uppgötvun í bílnum sínum

Gerði skelfilega uppgötvun í bílnum sínum
Pressan
Fyrir 2 dögum

Feðginin sögðu að hún hefði verið drepin af heimilislausum manni – Sannleikurinn var enn óhugnanlegri

Feðginin sögðu að hún hefði verið drepin af heimilislausum manni – Sannleikurinn var enn óhugnanlegri
Pressan
Fyrir 3 dögum

Kirsten var rænt eftir vinnustaðapartý – Við tók hryllingssólarhringur

Kirsten var rænt eftir vinnustaðapartý – Við tók hryllingssólarhringur
Pressan
Fyrir 3 dögum

Óvænt uppgötvun um íbúprófen – Má ekki nota samhliða blóðþrýstingslyfjum

Óvænt uppgötvun um íbúprófen – Má ekki nota samhliða blóðþrýstingslyfjum
Pressan
Fyrir 3 dögum

Unglingar eru forritaðir til að hunsa móður sína

Unglingar eru forritaðir til að hunsa móður sína