Sögu Fucke má rekja allt aftur til 1547 en til eru sagnir um bæinn frá þeim tíma. Á þeim tíma hefur nafnið væntanlega ekki valdið neinum vandræðum en með alþjóðavæðingunni hefur það breyst því nafnið er svolítið óheppilegt því til er enska orðið „fuck“ (ríða, samfarir) og auðvelt að heimfæra Fucke upp á það.
Þetta óheppilega nafn veldur bæjarbúum til dæmis vandræðum þegar þeir reyna að setja auglýsingar inn á Facebook eða skrifa um bæinn. Færslur þeirra eru þá ritskoðaðar. Bæjarbúarnir hafa því sent beiðni til yfirvalda um að fá að breyta nafni bæjarins í Dalsro. Sænska ríkistúvarpið skýrir frá þessu.
En nafnabreyting gengur ekki hratt fyrir sig því fyrst þurfa sænska minjanefndin og mál- og þjóðsagnastofnun landsins að samþykkja beiðnina. Það er því talið ólíklegt að búið verði að breyta nafninu fyrir sumarið.
Íbúarnir hafa áður reynt að breyta nafni bæjarins en 2007 sóttu þeir um að breyta því í Fjukeby. Yfirvöld höfnuðu þeirri beiðni.