Í gær var tilkynnt um flug dróna við Forsmarks kjarnorkuverið í Svíþjóð og einnig barst fjöldi tilkynninga um dróna á flugi víða á Stokkhólmssvæðinu. Lögreglan og strandgæslan voru að störfum í skerjagarðinum og segist Aftonbladet hafa heimildir fyrir að lögreglan sé að rannsaka hvort drónarnir komi utan af hafi, hafi tekið á loft frá skipum eða bátum.
Lögreglan notaði þyrlu við leitina að drónunum. Talsmaður lögreglunnar sagði að fjöldi tilkynninga hafi borist frá almenningi og að lögreglumenn hafi séð fjölda dróna á flugi við Stokkhólm.
Expressen segir að „fullkominn dróni“ hafi sést við Drottningholms höllina í gærkvöldi. Meðal sjónarvotta voru nokkrir lögreglumenn. Fyrr um daginn sást dróni við Forsmarks kjarnorkuverið.
Á föstudaginn sáust stórir og fullkomnir drónar á flug við sænsk kjarnorkuver og víðar og hefur þetta valdið Svíum áhyggjum því þeir hafa miklar áhyggjur af framferði og ágangi Rússa þessa dagana og tengja margir flug drónanna við Rússa.