Í skýrslunni er fjallað um flóð, gróður- og skógarelda og hitabylgjur en talið er að loftslagsbreytingar af mannavöldum hafi gert þessar hamfarir enn verri en ella.
Þessar tíu dýrustu hamfarir kostuðu að minnsta kosti 1.075 manns lífið og 1,3 milljónir hröktust frá heimilum sínum.
Mesta tjónið varð vegna fellibylsins Ida í Bandaríkjunum og flóðanna í Evrópu í júlí.
Á mörgum fátækum svæðum gerðu flóð og fellibyljir marga heimilislausa.
Í skýrslunni er sjónunum vegna hins efnahagslega tjóns aðallega beint að ríku löndunum en þar eru innviðirnir yfirleitt tryggðir og því auðveldara að gera tjónið upp. Það er ekki þar með sagt að fátæku ríkin hafi sloppið vel frá hamförum á síðasta ári en þau urðu fyrir nokkrum af verstu náttúruhamförum ársins sem voru afleiðingar loftslagsbreytinganna en þessi fátæku ríki hafa átt sáralítinn þátt í að valda þeim að því er segir í skýrslu Christian Aid.
