Zaporizhzhia kjarnorkuverið í suðaustanverðri Úkraínu sætti stórskotahríð um helgina og Rússar og Úkraínumenn kenna hvor öðrum um, samkvæmt BBC. „Að þessu sinni sluppum við fyrir kraftaverk við kjarnorkuhamfarir, en við getum ekki lifað á kraftaverkum,“ sagði talsmaður Energoatom, eftirlitsstofnun kjarnorkumála í Úkraínu. Borgin hefur verið undir valdi Rússa síðan í mars en starfsmenn kjarnorkuversins eru enn úkraínskir. Fyrr í dag sagði Antonio Guterres aðalritari Sameinuðu þjóðanna: „Árás á kjarnorkuver er sjálfsmorð.“
Stórskotahríðin rauf háspennulínu og neyddi verið til að slökkva á einum sjö kjarnaofna sinna. Flugskeyti brutu einnig þrjá kjarnorkumæli og marga glugga versins. Þó komst engin geislun út. Petro Kotin, yfirmaður Energoatom, vill að svæðið í kringum kjarnorkuverið verði skilgreint herlaust svæði og stjórn versins verði gefin alþjóðlegum friðargæsluliðum, samkvæmt Reuters. Hann varaði við því að verði það ekki gært gæti orðið stórslys á við Chernobyl-kjarnorkuslysið.