Hakkarahópurinn Anonymous hefur látið til sín taka gegn Rússum frá því að innrásin í Úkraínu hófst. Hafa þeir lýst því yfir að þeir séu í stríði gegn forseta Rússlands, Vladimir Pútín.
Nú hefur hópurinn lýst yfir öðru stríði. Að þessu sinni gegn rússneska hakkarahópnum Killnet sem nýlega gerði umfangsmikla árás á stofnanir í Evrópu, en Anonymous eru ósáttir við yfirlýsingar Killnet þar sem þeir monta sig af getu sinni.
R.I.P https://t.co/nEma7uHkcM
— Anonymous (@YourAnonOne) May 21, 2022
Killnet réðst í síðustu viku gegn fjölda vefsíðna ítalskra stofnana og ráðuneyta.
Fljótlega eftir stríðsyfirlýsinguna tilkynntu Anonymous að þeim hafi tekist að loka fyrir umferð á opinberu Killnet síðuna.
Killnet svöruðu þá fyrir sig með því að ráðast gegn pólskum yfirvöldum og birtu lista af skotmörkum á samskiptamiðlinum Telegram.
Killnet hótaði einnig fyrr í þessum mánuði að ráðast gegn öndunarvélum á breskum sjúkrahúsum til að svara fyrir handtöku á einum meðlima sinna.
Hópurinn ætlaði sér einnig að koma í veg fyrir sigur Úkraínu í Eurovision-söngvakeppninni, en talið er að netöryggissveit ítölsku lögreglunnar hafi komið í veg fyrir þær fyrirætlanir. Í kjölfarið lýsti Killnet yfir stríði gegn 10 löndum, Bandaríkjunum, Bretlandi, Þýskalandi, Ítalíu, Lettlandi, Rúmeníu, Litháen, Eistlandi, Póllandi og Úkraínu. Gaf hópurinn þá skýringu að þessi lönd hafi orðið fyrir valinu vegna stuðnings þeirra við „nasista“ og „fordóma gegn Rússum“ en þau hugtök eru notuð af rússneskum áróðurssmiðum um þá sem styðja við Úkraínu.
Killnet, we'll leave you penniless, you won't even have the money to buy snort glue, wait for us … We'll open a second asshole for you! @anonwolf3467 @ANOVNI1 #Anonymous #Anonymousitalia pic.twitter.com/lTYRW4c9Zd
— Aη⊕ηψm⊕uš • ï†αﾚïα 🌐™ (@AnonNewsItalia) May 22, 2022
Netöryggisstofnanir í Bandaríkjunum, Bretlandi, Ástralíu, Kanada og Nýja Sjálandi gáfu nýlega út viðvörun til stofnanna í þjóðum sem hafa fordæmt innrásina í Úkraínu þar sem sagði að þær ættu á hættu að verða fyrir netárásum frá hópum sem styðja við Rússland.
Anonymous á Ítalíu hafa boðað risaárás á Killnet. Þessari fyrirhuguðu árás er lýst sem „einni af þeim stærstu fyrr eða síðar“ þó er enn óljóst í hverju árásin mun felast en hún er sögð hafa hafist aðfaranótt laugardags. Hópurinnn tilkynnti að minnst 100 hakkarar taki þátt í árásinni. Ekki hefur heldur verið gefið upp hverju árásin beinist að en hópurinn segir að búast megi við „miklum skaða fyrir Rússa.“
Fordæmalaus fjöldi netárárása hefur átt sér stað í heiminum undanfarna mánuði, í kjölfar innrásarinnar,
