fbpx
Þriðjudagur 05.júlí 2022
Pressan

Svakalegar lýsingar á lífinu í Playboyhöllinni – „Eigum við að tala um mannlega hnignun? Þetta er viðbjóðslegt“

Kristján Kristjánsson
Miðvikudaginn 26. janúar 2022 06:00

Playboyhöllin. Mynd:EPA

Ekki missa af Helstu tíðindum dagsins í pósthólfið þitt

Lesa nánar

„Bandarísk goðsögn.“ Svona var Hugh Hefner meðal annars lýst eftir andlát hans fyrir fjórum árum en hann var 91 árs þegar hann lést. „Hvíldu í friði,“ var síðan bætt við. En nú hafa margir étið þessi orð ofan í sig og hafa algjörlega skipt um skoðun á Hefner og því sem hann stóð fyrir. Margir segja það sem hann gerði hafa verið „viðbjóðslegt“.

Í dag munu væntanlega fáir ef nokkrir kalla Hefner goðsögn og fáir óska honum friðar í gröfinni. Þvert á móti. „Hann var eins og vampíra. Áratugum saman saug hann lífið úr þessum stúlkum,“ segir fyrrum leikfélagi (Playmate) um hann í nýrri heimildarmynd „Secrets of Playboy“ sem verður tekin til sýninga á næstunni. Myndin hefur svo sannarlega breytt sýn fólks á Hefner og sögurnar um hið ljúfa líf í Playboyhöllinni eru farnar að molna eftir því sem sannleikurinn hefur komið fram.

Í myndinni, sem blaðamenn Daily Mail hafa fengið að sjá, er dregin upp mynd af mikilli kynferðislegri misnotkun, kynsvalli og eiturlyfjaneyslu. Eiturlyfjaneyslan var svo mikil að hundar Hefner urðu háðir kókaíni, þeir gengu um gólf og sleiktu upp kókaín sem lenti á gólfinu.

Leikfélagarnir Heather Rae Young og Ashley Doris. Mynd:Getty

 

 

 

 

 

 

 

„Það voru Playmates sem fengu of stóra skammta af eiturlyfjum og frömdu sjálfsvíg,“ segir einn fyrrum starfsmaður Playboyhallarinnar í myndinni að sögn Daily Mail. Segir sá sami að Hefner hafi verið sannfærður um að hann ætti konurnar sem komu inn í heim hans, þær hafi verið auðtrúa og vongóðar þegar þær komu þangað. Þetta hafi verið heimur þar sem Hefner og vinir hans létu sjúklega drauma sína rætast.

Hugh Hefner.

Daily Mail segir að í myndinni sé rætt við Linda Lovelace, sem öðlaðist heimsfrægð fyrir leik í klámmyndinni Deep Throath, um það sem hún lenti í. Hún segir að henni hafi verið boðið í Playboyhöllina, eiturlyfjum hafi verið dælt í hana og hún síðan þvinguð til að stunda munngælur með hundi á meðan Hefner og vinir hans horfðu á. „Eigum við að tala um mannlega hnignun? Þetta er viðbjóðslegt,“ segir eitt vitni að þessu í myndinni.

„Svínakvöld“

Í myndinni kemur einnig fram að á hverjum fimmtudegi hafi Hefner haldið svokallað „pig night“ (svínakvöld) en þá voru „ófríðar“ vændiskonur sóttar á Sunset Strip. Þær voru sendar í læknisskoðun og síðan fengu vinir Hefner aðgang að þeim.

Einnig kemur fram að leikfélagarnir (Playmates) hafi verið neyddar til þátttöku í hópkynlífi mörgum sinnum í viku og að þær hafi ekki mátt vera úti eftir klukkan 21. „Við vorum einskis virði í hans augum,“ segir Sondra Theodore, fyrrum leikfélagi og unnusta Hefner. Aðrar segjast hafa verið heilaþvegnar og aðrar að þær hafi verið misnotaðar kynferðislega.

Sondra Theodore og Hugh Hefner 1979. Mynd:Getty

 

 

 

 

 

 

 

„Þetta var kynlífsþrælkun og gjaldið sem þær greiddu var hátt,“ sagði talskona samtakanna No More í samtali við USA Today um það sem ungu konurnar gengu í gegnum í Playboyhöllinni.

Önnur viðhorf

Eins og  fyrr sagði þá lofsömuðu margir Hefner eftir andlát hans og hrósuðu honum og kynlífsbyltingunni sem hann var sagður hafa hrundið af stað í Bandaríkjunum.

„Hugh Hefner var risi á sviði útgáfumála, fréttamennsku, tjáningarfrelsis og mannréttinda. Hann var svo sannarlega frumherji og hann var besti vinur minn,“ skrifaði spjallþáttastjórnandinn Larry King á Twitter þegar fréttist af andláti Hefner.

Kim Kardashian tjáði sig líka og sagði: „Ég er svo stolt af að hafa verið hluti af Playboyliðinu. Þín verður saknað. Elska þig Hef,“ skrifaði hún.

En nú eru viðhorfin til Hefner og þess sem hann stóð fyrir önnur. Ekki síst hjá nýjum eigendum Playboy. „Playboy nútímans er ekki Playboy Hugh Hefner,“ segja þeir í opnu bréfi og lýsa yfir fullum stuðningi við allar konurnar sem koma fram í heimildarmyndinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Króli skiptir um lið
Pressan
Fyrir 1 viku

Karl Bretaprins þáði hundruðir milljóna frá katörskum sjeik

Karl Bretaprins þáði hundruðir milljóna frá katörskum sjeik
Pressan
Fyrir 1 viku

Blekkti eiginkonuna upp úr skónum

Blekkti eiginkonuna upp úr skónum
Pressan
Fyrir 1 viku

Skyndikynni geta kostað allt að sjö ára fangelsi

Skyndikynni geta kostað allt að sjö ára fangelsi
Pressan
Fyrir 1 viku

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár
Pressan
Fyrir 1 viku

Ef þú getur ekki gert þetta í 10 sekúndur er útlitið svart

Ef þú getur ekki gert þetta í 10 sekúndur er útlitið svart
Pressan
Fyrir 1 viku

Biden ætlar að þrengja að tóbaksframleiðendum – Minna nikótín í vörunum

Biden ætlar að þrengja að tóbaksframleiðendum – Minna nikótín í vörunum
Pressan
Fyrir 1 viku

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum
Pressan
Fyrir 1 viku

Telja að bólusetningar gegn kórónuveirunni hafi bjargað 20 milljónum mannslífa

Telja að bólusetningar gegn kórónuveirunni hafi bjargað 20 milljónum mannslífa