Sky News skýrir frá þessu. Fram kemur að tveimur stúlkubörnum hafi verið víxlað á fæðingardeild sjúkrahúss í héraðinu árið 2002. Þetta kom í ljós fyrir tilviljun þegar önnur konan fór í DNA-próf og í ljós kom að hún var ekki erfðafræðilega skyld fólkinu sem hún taldi vera foreldra sína.
Þegar stúlkurnar fæddust voru þær báðar mjög léttar og voru settar í hitakassa áður en foreldrar þeirra fengu þær í hendurnar. En eitthvað fór greinilega úrskeiðis þegar þær voru teknar úr hitakössunum og afhentar foreldrunum.
Sara Alba, yfirmaður heilbrigðismála í La Rioja, sagði á fréttamannafundi að um mannleg mistök hafi verið að ræða en ekki sé vitað hver gerði þau. Hún sagði að kerfið, sem notast var við, hafi verið öðruvísi á þessum tíma, ekki eins tölvuvætt og nú. Hún sagði að atburður sem þessi geti ekki átt sér stað í dag.
Hinni konunni hefur verið tilkynnt um málið en ekki hefur komið fram hvort hún hyggist leita réttar síns vegna þess.