Á dögunum bárust fregnir af því að Piers Morgan hefði verið ráðin sem þáttastjórnandi hjá FOX News en hann hætti hjá sjónvarpsstöðinni ITV þegar hann var beðinn um að biðjast Meghan Markle afsökunar.
Hjá ITV var hann einn stjórnenda Good Morning Britain og var þar daginn eftir að umdeilt viðtal Meghan og Harry Bretaprins, eiginmanns hennar, var sýnt. Hann lét nokkur orð falla um Meghan sem er gömul vinkona hans en þau fóru fyrir brjóstið á sumum.
Morgan ætlar þó ekki einungis að starfa fyrir FOX heldur ætlar hann einnig að skrifa pistla fyrir The Sun. Hann varar Meghan við þar sem hann telur að hann muni gefa henni martraðir.
„Ég þori að veðja að hún hafi fagnað þegar ég yfirgaf Good Morning Britain svo þetta mun valda henni martröðum,“ sagði Morgan og virðist vera spenntur fyrir því að birtast í draumum Meghan.
Hann kveðst hafa hafnað 20 atvinnutilboðum áður en hann fékk loksins kallið frá FOX og er hann í skýjunum með að hafa beðið svo lengi.
Þetta er ekki í fyrsta skiptið sem Morgan starfar fyrir The Sun en hann hóf störf þar fyrst árið 1988 og var þar í fjögur ár.
