53 ára gamall dýraskurðlæknir liggur í valnum eftir að hafa smitast af Monkey B veirunni í Kína. Segir í umfjöllun bandarísku fréttaveitunnar The Hill að maðurinn hafi veikst eftir að hafa skorið upp tvo apa í höfuðborg landsins í mars á þessu ári. Um mánuður leið þar til maðurinn veiktist. Helstu einkenni voru uppköst, hár hiti, taugaveiki. Hann lést svo í maí.
Monkey B veiran er útbreitt meðal macaque apar en að smit berist í menn er afar sjaldgæft. Frá því að fyrst var borið kennsl á veiruna árið 1932 hafa aðeins 50 tilfelli verið skjalfest þar sem veiran barst í menn og megnið af þeim tilfellum áttu sér stað í Norður Ameríku. Slík smit eru lífshættuleg, en samkvæmt The Hill látast 80% smitaðra.
Samkvæmt upplýsingum The Hill getur veiran borist milli manna, en slíkt er þó afar sjaldgæft og ólíklegt að hún stökkbreyti sér þannig að smit manna á milli verði líklegri.
Þeir sem líklegastir eru til þess að smitast eru vísindamenn og dýralæknar sem vinna náið með dýrum. Smitin berast þá gjarnan með bitum og klórum.