45 ára gamall karlmaður í New York-borg lifði af þegar hann var skotinn fjórum sinnum í höfuðið snemma á miðvikudag. Frá þessu greinir The New York Post.
Atvikið átti sér stað nálægt George Washington-brúnni í stórborginni frægu. Fórnarlambið var að keyra á bílnum sínum þegar nokkrir byssumenn á mótorhjólum umkringdu bílinn. Þeir hófu skothríð og maðurinn fékk fjórar kúlur í höfuðið. Þetta kom fram í tilkynningu frá lögreglunni vestanhafs.
Eftir skothríðina stálu byssumennirnir bílnum og brunuðu í burtu. Lögreglan hefur fundið bílinn, en ekki náð árásarmönnunum.
Fórnarlambið var sent á sjúkrahús og er nú stöðugu ástandi. Talað er um málið sem algjört kraftaverk. Lögregla fann .22 kalíbera skothylki á vettvangi.