Sky News skýrir frá þessu. Fram kemur að Simon hafi skrifað að þar sem hann sé nýfarinn á eftirlaun hafi hann nú tíma til að skoða eitt og annað sem varð út undan vegna vinnunnar og fjölskyldunnar. Hann hafi fundið plötuna sem hann fékk lánaða vorið 1973 þegar hann var 14 ára. Hann sagði að honum teljist til að hann hafi farið 17.480 daga fram yfir lánstímann. „Svo þetta er ansi seint og mér þykir þetta miður,“ skrifaði hann.
Platan var gefin út 1970 af Colombia Records og inniheldur meðal annars lögin „All The Tired Horses“ og „Let It Be Me“ og „Like A Rolling Stone“.
Simon sagðist telja að hann skuldaði 1.748 dollara í sekt ef sektin væri 10 cent á dag en sagði jafnframt að kostnaðurinn við að kaupa nýja plötu væri aðeins 1% af þeirri upphæð. Hann sendi bókasafninu ávísun upp á 175 dollara „fyrir æskubrekin“. Hann sendi safninu einnig eintak af „Western Reserve“ og sagði það vera góðan hlut í hljómplötusafn bókasafnsins.
