Skotárás átti sér stað í borginni Toronto, Kanada í gærkvöld. Þrjú börn og einn fullorðinn særðust í henni, en alls voru fimm fluttir á sjúkrahús. Vettvangur árásarinnar var afmæli sem fram fór utandyra, en verið var að halda upp á eins árs afmæli ungabarns. Frá þessu greina Kanadískir miðlar.

Börnin sem eru særð eru: eins árs, fimm ára og ellefu ára gömul. Eitt þeirra er sagt í lífshættu, og annað alvarlega slasað. Sá fullorðni var karlmaður á þrítugsaldri.

Lögreglan í Toronto hefur greint frá því að nokkurra árásarmanna sé leitað, en að litlar upplýsingar væru til um þá eða ástæðu árásarinnar. Lögreglan hefur gefið út að í raun lýti út fyrir að árásin hafi ekki verið skipulögð til að særa þetta tiltekna fólk. Málinu er lýst af lögreglu sem gríðarlegum harmleik.

Þá er biðlað til borgarbúa að miðla öllum mögulegum upplýsingum til lögreglu hafi það þær.