fbpx
Mánudagur 26.júlí 2021
Pressan

Stígur fyrir fatlaða vekur reiði Grikkja

Kristján Kristjánsson
Laugardaginn 19. júní 2021 13:30

Akropolis. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Getur stígur, sem er hannaður til að auðvelda aðgengi fatlaðra, orðið að hneykslismáli? Já er svarið hvað varðar nýjan stíg upp að hinu sögufræga Akropolis í Aþenu í Grikklandi. Sagnfræðingar og fornleifafræðingar eru ævareiðir vegna stígsins.

Ákveðið var að gera stíginn á meðan heimsfaraldurinn herjar á heimsbyggðina því lítið er um ferðamenn og því tilvalið að fara út í framkvæmdir. Lagning hans er hluti af endurnýjun og viðhaldi á þessum sögufræga stað.

Búið er að koma nýrri lyftu fyrir við norðurendann en hún getur flutt tvo hjólastóla í einu. Markmiðið er að sjálfsögðu að bæta aðgengi fatlaðra.

En fornleifafræðingar eru ósáttir við þetta og telja að endurbæturnar og framkvæmdirnar hafi farið úr böndunum. Þeir segja svo rangt að leggja steinsteyptan stíg upp að þessum sögufræga stað eingöngu til að þóknast ferðamönnum. Þetta sé gert á kostnað varðveislu þessa sögufræga staðar. 3.500 manns hafa skrifað undir opið bréf þar sem hvatt er til þess að stígarnir verði fjarlægðir og allar yfirstandandi framkvæmdir verði stöðvaðar sem og allar fyrirhugaðar framkvæmdir.

Telja bréfritarar að með lagningu stígsins og annarra stíga sé verið að eyðileggja náttúrulegt umhverfi Akropolis og gjaldfella það. The Guardian segir að einnig hafi því verið haldið fram að framkvæmdirnar séu „hneyksli á alþjóðlegan mælikvarða“, sérstaklega í ljósi þess að Akropolis er á Heimsminjaskrá UNESCO.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Sífellt fleiri Repúblikanar hvetja fólk til að láta bólusetja sig

Sífellt fleiri Repúblikanar hvetja fólk til að láta bólusetja sig
Pressan
Í gær

Dularfullur apavírus dró mann til dauða – „Monkey B“ veiran veldur áhyggjum

Dularfullur apavírus dró mann til dauða – „Monkey B“ veiran veldur áhyggjum
Pressan
Fyrir 2 dögum

Alríkisdómari stöðvar ný fóstureyðingalög í Arkansas

Alríkisdómari stöðvar ný fóstureyðingalög í Arkansas
Pressan
Fyrir 2 dögum

Ítalir herða sóttvarnaaðgerðir

Ítalir herða sóttvarnaaðgerðir