Tilkynnt var um þetta á mánudaginn að sögn CNN. Fram kemur að markmiðið með rannsókninni sé að kortleggja hvernig Pentagon hefur brugðist við málum tengdum óþekktum fljúgandi furðuhlutum.
Tæpur mánuður er síðan Pentagon staðfesti að myndir og myndbönd, sem sjóliðar tóku 2019, séu ósvikin en á þeim sjást þríhyrndir hlutir sem blikka og hreyfast hratt í loftinu. Aðrar upptökur frá hermönnum sýna þrjá hluti fljúgandi hluti sem eru í laginu eins og kúla, akarn og loftfar úr málmi.
Í júní eiga leyniþjónustustofnanir Bandaríkjanna og aðrar stofnanir að afhenda þinginu skýrslu um óþekkta fljúgandi furðuhluti. Leynd á ekki að hvíla yfir skýrslunni.