Í byrjun heimsfaraldursins hugsuðu margir Bretar með sér að fínt væri að kaupa sér hund til að hafa smá félagsskap á meðan allt væri lokað. Eftirspurnin var svo mikil að verð á hundum hækkaði gífurlega snemma árs 2020.
Nú þegar verið er að aflétta niðurlokunum í Bretlandi hafa margir áttað sig á því að þau vilja ekki eiga hund lengur og keppist fólk við að reyna að selja hundana sína.
Flest dýraathvörf eru nú full af hundum sem fólk vildi losa sig við og eru sölusíður Bretlands troðnar af hundum. Flestir segjast ekki hafa tíma eða eiga ekki pening til að eiga hund, málið var ekki hugsað nægilega vel.
Flestir þeirra sem tóku að sér hunda í faraldrinum voru ekki hæfir eigendur og ólu hundana ekki rétt upp. Margir þeirra eiga nú við hegðunarvanda að stríða og er það önnur ástæða fyrir því að fólk er að reyna að losa sig við hundana.