Það er til dæmis hægt að blanda kaffikorg við moltuna eða nota hann sem áburð fyrir pottaplöntur eða fyrir plöntur utanhúss. Olían og ýmis efni í kaffikorginum eru sögð vera holl fyrir plöntur og utandyra heldur hann skordýrum fjarri.
Það er líka hægt að nota kaffikorg til að þvo hendurnar en hann fjarlægir drullu og óþef af þeim, til dæmis hvítlaukslykt. Hann er einnig góður til að fjarlægja olíu og málningu af höndunum.
Það er hægt að nota kaffikorg til að þrífa vaskinn. Hann gagnast að sögn jafnvel og hreinsiefni. Kaffikorgurinn nær fitu og ljótum blettum af vaskinum.
Hann er einnig góður til að þvo potta og pönnur ef matur hefur brunnið við á þeim. Helltu kaffikorgi á pönnuna eða í pottinn og notaðu uppþvottabursta til að nudda honum vel inn. Síðan er bara að skola með vatni og kannski þvo með sápu.
Kaffikorgur fjarlægir óþef. Það er til dæmis hægt að setja kaffikorg í glas eða skál og setja í ísskápinn til að gera út af við óþef í honum.
Kaffikorgur er einnig nothæfur til að marínera grillkjöt. Hann gefur gott bragð, líkt því að kjötið hafi verið reykt, og gerir kjötið enn meyrara. Þú þarft ekki að hafa neinar áhyggjur af að kjötið verði með kaffibragði.
