fbpx
Miðvikudagur 25.maí 2022
Pressan

Drekkur þú nóg vatn? Þetta eru merki um vökvaskort

Kristján Kristjánsson
Sunnudaginn 5. desember 2021 12:00

Drekkur þú nóg vatn? Mynd: Getty

Ekki missa af Helstu tíðindum dagsins í pósthólfið þitt

Lesa nánar

Drekkur þú nóg vatn? Það er oft hamrað á því að við verðum að gæta að því að drekka nóg vatn, að minnsta kosti tvo lítra á dag. En hvað gerist í líkamanum ef þú drekkur ekki nóg?

Vökvi er gríðarlega mikilvægur fyrir alla líkamsstarfsemi, ekki síst heilann. 85% af heilanum er vökvi og því er hann í forgangi þegar líkamann vantar vökva. En vökvaskortur líkamans hefur áhrif á heilann og dregur úr virkni hans. Til dæmis gætir þú fundið fyrir höfuðverk og svima þegar þú hefur ekki innbyrt nægan vökva.

Meltingarstarfsemin þarf á vökva að halda en vatn bætir til dæmis upptöku og meltingu trefja í þörmunum. Vökvaskortur veldur því að líkaminn safnar þeim vökva, sem er til ráðstöfunar, til að viðhalda mikilvægustu líkamsstarfseminni og þar er meltingin ekki á lista. Ef þarmarnir fá ekki nægan vökva getur það valdið hægðatregðu.

Liturinn á þvaginu þínu sýnir hvort þú glímir við vökvaskort. Ef svo er þá verður þvagið dekkra og það er góð vísbending um að þú eigir að drekka meira.

Húðin þornar ef líkaminn fær ekki nóg vatn. Það getur valdið ertingu, kláða og roða. Það er því gott ráð að gæta þess að drekka nóg.

Vatn styrkir vöðvana en þeir eru að mestu uppbyggðir af vatni, ekki af prótíni eins og margir halda. Það er því mikilvægt að drekka nóg til að halda þeim flottum og stinnum.

Vatnsskortur hefur áhrif á einbeitinguna, samhæfingu og viðbragðstíma. Ef þú þarft að vera upp á þitt besta verður þú að drekka nóg.

Vökvaskortur hefur áhrif á skapið og orkustigið. Smávegis vökvaskortur hefur greinileg áhrif á þessa þætti.

Ef líkaminn fær ekki nægt eldsneyti í formi vökva getur það haft áhrif á nætursvefninn og dregið úr gæðum hans. Á móti kemur að ef þú drekkur of mikið þá getur það kallað á óróleika í svefni og klósettferðir að næturlagi. Það er því best að reyna að drekka ekki mikið þegar líður að háttatíma.

Margir rugla þorsta saman við svengd og fá sér að borða þegar líkaminn er í raun að kalla eftir vatni. Áhrifin af þessu sjást að vonum oft á baðvoginni þegar við hættum okkur upp á hana.

Líkaminn losar mikinn vökva þegar þú svitnar og því þarftu að gæta að því að drekka nóg þegar þú svitnar, hvort sem það er vegna áreynslu eða hita.

Ef þú ælir eða ert með niðurgang missir þú vökva og það dregur úr þér mátt. Þá er gott að byrja á því að drekka nóg vatn þegar þú ferð að hressast til að koma jafnvægi á vatnsbúskapinn.

Allur vökvi reiknast með í vökvaforða líkamans en hann á þó auðveldast með að taka við hreinu vatni. Það er því góð hugmynd að lágmarka neyslu áfengra og sykraðra drykkja því þeir hafa neikvæð áhrif á líkamsstarfsemina. Bjór, te og kaffi geta virkað vökvalosandi og það þarf að hafa í huga.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Segir að Trump hafi íhugað að hætta eftir „grab ‘em by the pussy“ ummælin

Segir að Trump hafi íhugað að hætta eftir „grab ‘em by the pussy“ ummælin
Pressan
Í gær

Apabóla dreifir sér í Bretlandi – Mæla með þriggja vikna einangrun

Apabóla dreifir sér í Bretlandi – Mæla með þriggja vikna einangrun
Pressan
Fyrir 2 dögum

Var við dauðans dyr eftir notkun eyrnapinna

Var við dauðans dyr eftir notkun eyrnapinna
Pressan
Fyrir 2 dögum

Gerði skelfilega uppgötvun í bílnum sínum

Gerði skelfilega uppgötvun í bílnum sínum
Pressan
Fyrir 2 dögum

Feðginin sögðu að hún hefði verið drepin af heimilislausum manni – Sannleikurinn var enn óhugnanlegri

Feðginin sögðu að hún hefði verið drepin af heimilislausum manni – Sannleikurinn var enn óhugnanlegri
Pressan
Fyrir 3 dögum

Kirsten var rænt eftir vinnustaðapartý – Við tók hryllingssólarhringur

Kirsten var rænt eftir vinnustaðapartý – Við tók hryllingssólarhringur
Pressan
Fyrir 3 dögum

Óvænt uppgötvun um íbúprófen – Má ekki nota samhliða blóðþrýstingslyfjum

Óvænt uppgötvun um íbúprófen – Má ekki nota samhliða blóðþrýstingslyfjum
Pressan
Fyrir 3 dögum

Unglingar eru forritaðir til að hunsa móður sína

Unglingar eru forritaðir til að hunsa móður sína