Donald Trump yngri hefur orðið fyrir miklu aðkasti undanfarna daga eftir að hann birti stórfurðulegt myndband þar sem sjá má föður hans, Donald Trump fyrrum Bandaríkjaforseta, stökkva dansandi upp úr kalkún.
Um er að ræða atriði úr vinsælu jólamyndinni National Lampoon’s Christmas Vacation sem hefur verið breytt til að sýna núverandi forseta, Joe Biden, forsetafrúnna Jill Biden, varaforsetann Kamala Harris og fleiri sitja við veisluborð þegar Trump birtist skyndilega dansandi upp úr kalkúninum við lagið YMCA.
Í upprunalegu atriðinu má sjá leikarann Chavey Chase í hlutverki hins seinheppna fjölskylduföðurs Clark Griswold þar sem hann sker kalkún á jólunum og segir hina frægu línu „Ef þessi kalkúnn bragðast jafn vel og hann lítur út þá held ég við eigum gott í vændum“ en síðan sker hann í fuglinn, en þá heyrast eins konar frethljóð, upp stígur gufa, og að innan má finna grátt og ólystugt kjöt, gestum hans til lítillar gleði.
Trump yngri deildi myndbandinu einnig á Twitter og voru viðbrögðin þar blendin.
„Grínið hér er að þú sért að deila þessu grínlaust,“ skrifar einn.
„AUGUN MÍN AUGUN MÍN EYRUN MÍN HEILINN MINN, LÁTIÐ ÞETTA HÆTTA,“ skrifar annar.
„Hver deilir myndbandi af pabba sínum dansandi eins og trúð á þakkagjörðarhátíðinni,“ veltir einn fyrir sér.
„Það er eitthvað að þessari fjölskyldu,“ skrifar enn einn.
Og svona mætti lengi telja. Stuðningsmenn Trump-fjölskyldunnar deildu þó einnig myndbandinu og kölluðu það „snilld“, „frábært“ og sögðust ekki geta beðið eftir að Trump fengi aftur lyklana að hvíta húsinu.
He dances like Elaine on Seinfeld.
— Denise wants to see gun control in the US. (@dhinight) November 26, 2021