Áhöfn þyrlunnar kom auga á hraðbát með „átta grunsamlegum mönnum“ um borð að því er segir í tilkynningu frá danska hernum. Því næst voru sérsveitarmenn sendir af stað á hraðskreiðum bátum til að fara um borð í bát sjóræningjanna.
Kallað var á sjóræningjana að stöðva svo hermennirnir gætu farið um borð. Þeir brugðust ekki við fyrirmælunum og í samræmi við heimildir sínar skaut áhöfn Esbern Snare aðvörunarskoti. Þá hófu sjóræningjarnir skothríð á dönsku hermennina sem svöruðu henni.
Í kjölfarið fylgdi stuttur skotbardagi. Enginn danskur hermaður særðist en fimm sjóræningjar urðu fyrir skotum. Fjórir þeirra létust.
Bátur sjóræningjanna sökk eftir skotbardagann. Sjóræningjarnir voru allir teknir um borð í freigátuna.