Hún fannst að vísu í eyðimörk í austurhluta Tyrklands árið 1959 en nú telja Tyrkir sig hafa styrkt málstað sinn enn frekar með þrívíddarmyndum.
Lengi hefur verið deilt um hvernig geti staðið á því að örkin sé á fjallstoppi í Agrihéraðinu í Tyrklandi og hafa bæði vísindamenn og leikmenn verið ósammála um þetta allar götur síðan 1959. Að auki hafa Tyrkir og Armenar deilt um þetta og fullyrt að örkin væri í landinu þeirra.
Í Fyrstu Mósebók stendur að örkin hafi strandað við fjallið Arat sem er í dag í norðaustanverðu Tyrklandi, 32 kílómetrum frá landamærunum að Armeníu.
Politiken segir að þrívíddarmyndirnar sýni svo engin vafi leiki á að skip sé við fjallstoppinn. Fram kemur að bandarískir og tyrkneskir vísindamenn hafi staðfest þetta og að þeir telji hugsanlegt að hér sé um Örkina hans Nóa að ræða. En það þarf að rannsaka þetta betur og staðfesta með óyggjandi hætti að svo sé.