Fjölskylda í Yamba, Ástralíu, segja að jólin þeirra hafi breyst í martröð eftir að leigusali þeirra kom sér fyrir í tjaldi í bakgarði þeirra. Þau sögðu sögu sína hjá A Current Affair.

Nicky og William misstu vinnur sínar vegna COVID-19 en Nicky fann aðra vinnu á sjúkrahúsi, sem krafðist þess að fjölskylda hennar flytti til að vera nær nýju vinnunni. Þau fundu því húsnæði og skrifuðu undir samning.

Þau höfðu búið í húsinu í tvo mánuði þegar leigusalinn, Pascale Hubert og kærasti hennar, tjölduðu í bakgarðinum á jólanótt og neituðu að fara.

„Börnin okkar eru dauðhrædd, þau spyrja í sífellu „hverjir eru þetta?“ og við getum ekki gefið þeim nein svör,“ sagði Nicky í samtali við A Current Affair.

Eftir að leigusalinn kom sér fyrir í bakgarðinum fékk Nicky skilaboð „Kæru Nicky og William. Ég er eigandinn og fá og með deginum í dag mun ég búa í bakgarðinum.“

Í bakgarðinum er skúr en hann er ekki með rennandi vatni eða salernisaðstöðu.

„Ég sé að þau eru með fötu, sem þau kúka og pissa í. Það er viðurstyggilegt. Ég vil bara vita hver þau eru að tæma þessa fötu. Þau hljóta að vera að tæma hana einhvers staðar, er það ekki?,“ sagði William.

Parið hefur leitað til lögreglu og leigumiðlunarinnar en enginn getur aðstoðað þau. „Við getum ekki haft samband við bæjarráðið því það eru jól. En þetta er dagur 11 af því að búa með þau í bakgarðinum,“ sagði Nicky.

Þegar fréttamann bar að garði hitti hann fyrir leigusalann og kærasta hennar. Þau sögðu að þau hefðu fullan rétt á að vera í garðinum. „Garðurinn var ekki leigður út með húsnæðinu“