Twitter hefur lokað á reikning Donalds Trump, Bandaríkjaforseta, til frambúðar. Þetta kemur fram í tilkynningu frá samfélagsmiðlarisanum. Þetta kemur einnig skýrlega fram ætli maður að skoða reikning forsetans, en öll tíst hans eru nú horfin í veg.
After close review of recent Tweets from the @realDonaldTrump account and the context around them we have permanently suspended the account due to the risk of further incitement of violence.https://t.co/CBpE1I6j8Y
— Twitter Safety (@TwitterSafety) January 8, 2021
Twitter hefur verið helsta samskiptatæki Trump við áhangendur sína, en hann hefur eflaust verið ein mest áberandi fígúra forritsins. Aðrir miðlar líkt og Facebook og Instagram hafa lokað á hann tímabundið, eða þangað til Joe Biden tekur við forsetaembættinu eftir rúmar tvær vikur.
Líkt og flestir vita þá réðst stuðningsfólk Trump á Bandaríkjaþing síðastliðið miðvikudagskvöld, en forsetinn sjálfur hvatti það til að þramma frá mótmælum við Hvíta húsið að þinghúsinu. Miklar óeirðir sköpuðust og létu nokkrir lífið.
Svo virðist nú vera sem gjörðir Trump hafi haft einhverjar afleiðingar. Helstu samfélagsmiðlar hafa erfiðað honum til muna að koma skilaboðum sínum á framfæri og þá virðist vera sem Demókratar ætli að hefja ákæruferli gegn honum. Gangi hið síðarnefnda upp verður honum vikið úr embætti.
