Á hverju ári fagna Bandaríkjamenn deginum sem alríkislögreglumenn mættu til Texas og neyddu þrælahaldara þar í að frelsa þræla sína. Þetta var þann 19. júní árið 1865 og hefur því hátíðin Juneteenth verið haldin árlega en Joe Biden Bandaríkjaforseti gerði daginn að frídegi í ár.
Útibú sænsku verslunarkeðjunnar IKEA í Atlanta í Georgíu-fylki ætlaði að halda upp á daginn með breyttum matseðli til heiðurs fólks af afrískum-amerískum uppruna en matseðillinn sló alls ekki í gegn.
Á matseðlinum voru réttir sem staðalímyndin af fólki af afrískum-amerískum uppruna á að elska. Til dæmis mátti finna vatnsmelónu, djúpsteiktan kjúkling og makkarónur með osti.
Margir þrælar sem höfðu verið frelsaðir hófu að rækta og selja vatnsmelónur eftir að þrælahald var bannað í Bandaríkjunum. Vatnsmelónan var þeirra tákn um frelsi. Fyrrum þrælaeigendur í Suðurríkjunum vildu mála fólkið upp sem letingja og aumingja og notuðu vatnsmelónuna sem merki um það.
Starfsmenn umræddrar IKEA-verslunar voru ekki sáttir með þennan matseðil og fóru með málið í fjölmiðla. Verslunin hefur nú beðist afsökunar á þessu atviki.
„Við gerðum þetta rangt og við biðjumst innilega afsökunar,“ segir í tilkynningu frá keðjunni.