Í nýrri samantekt The Economist yfir hvaða borgum er best að búa í er óhætt að segja Evrópa fari halloka. Það hefur áhrif á röðunina á listann núna hvernig ríkjum heims hefur tekist til í baráttunni við heimsfaraldur kórónuveirunnar. Þetta veldur því að margar evrópskar borgir detta niður um sæti og nú eru aðeins tvær evrópskar borgir á topp tíu. Má þar til dæmis nefna að Vínarborg vermdi toppsæti frá 2018 til 2020 en hrapar nú niður í tólfta sæti.

En svona lítur listinn út:

1. Auckland á Nýja-Sjálandi.
2. Osaka í Japan.
3. Adelaide í Ástralíu.
4. Wellington á Nýja-Sjálandi.
5. Tókýó í Japan.
6. Perth í Ástralíu.
7. Zürich í Sviss.
8. Genf í Sviss.
9. Melbourne í Ástralíu.
10. Brisbane í Ástralíu.

En svona samantekt fylgir auðvitað hvaða borgum er verst að búa í. Þær eru:

Damaskus í Sýrlandi.

Lagos í Nígeríu.

Port Moresby á Papúa Nýju Gíneu.

Dhaka í Bangladess.

Algier í Alsír.

Trípólí í Líbíu.

Karachi í Pakistan.

Harare í Simbabve.

Doula í Kamerún.

Caracas í Venesúela.

Mesta hrapið á listanum var hjá Hamborg í Þýskalandi sem hrapaði niður um 34 sæti og er nú í 47. sæti. The Economist  bendir á að þetta skýrist af miklu álagi á þýsk sjúkrahús en bæði Þýskaland og Frakkland fengu færri stig að þessu sinni en áður vegna mun verri stöðu heilbrigðismála í löndunum.