Karlmaður í Ohio-fylki í Bandaríkjunum lést á spítala í dögunum eftir að hafa fengið standpínu í þrjá klukkutíma. Hann lá inni á sjúkrahúsi í öndunarvél vegna Covid-19 smits og var í áhættuhóp vegna mikillar líkamsþyngdar sinnar. The Sun greinir frá.
Algengt er að sjúklingar séu látnir liggja á maganum til að sporna gegn öndunartruflunum og eftir að maðurinn hafði legið þannig í tólf tíma var honum snúið við. Þá kom í ljós að hann var með standpínu sem virtist ekki vilja fara. Til að laga ástandið var klakapoka komið fyrir í klofinu hans.
Getnaðarlimur mannsins virtist ekki vera á því máli að fara niður og því var gripið til þess ráðs að fjarlægja blóðið úr honum með nál. Þegar blóðið var skoðað sást að í því höfðu myndast blóðtappar í líkama hans sem orsökuðu risið en blóðtappar eru algengir meðal Covid-sjúklinga sem glíma við offitu.
Maðurinn lést því miður stuttu síðar vegna lungnabilunar sem má rekja til blóðtappana sem hann fékk.