„Reglubundin yfirferð á gögnum varð til þess að tilraunin var stöðvuð til að tryggja öryggið,“
sagði talsmaðurinn. Engar upplýsingar voru gefnar um hvernig aukaverkanir er um að ræða. Statnews.com hefur eftir heimildarmanni að reiknað sé með að viðkomandi jafni sig af aukaverkununum.
Bóluefnið frá AstraZeneca er eitt þeirra sem eru komin á þriðja stig tilrauna en um leið fyrsta bóluefnið sem hlé þarf að gera á tilraunum með. Þriðja stigið hófst í ágúst og fer fram í Bandaríkjunum, Bretland, Brasilíu og Suður-Afríku.
Tilkynningin um aukaverkanirnar kom daginn eftir að Astra Zeneca gerði samning við áströlsk stjórnvöld um kaup þeirra síðarnefndu á milljónum skammta af bóluefninu ef það reynist vel heppnað. Samkvæmt samningnum eiga Ástralar að fá 3,8 milljónir skammta í janúar á næsta ári.