fbpx
Laugardagur 05.desember 2020
Pressan

Dularfullu morðin í Ölpunum 2012 – Hver myrti fjölskylduna?

Kristján Kristjánsson
Miðvikudaginn 9. september 2020 23:00

Morðvettvangurinn. Mynd: EPA/Norbert FALCO/LE DAUPHINE FRANCE OUT

Ekki missa af Helstu tíðindum dagsins í pósthólfið þitt

Lesa nánar

Þann 8. september 2012 voru Saad al Hilli, 50 ára, Iqbal al Hilli 47 ára, og móðir hennar Shuhaila al Allaf 74 ára, skotin til bana á fjallvegi nærri bænum Annecy í Frakklandi. Morðinginn var einn á ferð og skaut 25 skotum á bíl þeirra. Dætur al Hilli-hjónanna lifðu árásina af. Zainab al Hilli var sjö ára og Zeena systir hennar fjögurra ára. Auk foreldra þeirra og ömmu skaut morðinginn hjólreiðamann til bana. Morðin eru enn óupplýst og nú ætlar lögreglan að yfirheyra systurnar á nýjan leik.

Systrunum var komið fyrir í fóstri hjá ættingjum en þær, eins og foreldrar þeirra og amma, bjuggu í Bretlandi en voru í fríi í Frakklandi. Fjölskyldan er af íröskum uppruna. Sky skýrir frá þessu. Haft er eftir saksóknara í Annecy að bresk yfirvöld hafi veitt heimild til að systurnar verði yfirheyrðar á nýjan leik.

„Eldri dóttirin var yfirheyrð þegar hún var útskrifuð af sjúkrahúsi í Grenoble eftir morðin og hún skýrði frá atriðum sem eru í málsskjölunum,“

sagði saksóknarinn.

Bíll fjölskyldunnar fluttur á brott. Mynd: EPA/SALVATORE DI NOLFI

Zainab fékk skot í öxl og var laminn í höfuðið. Hún fannst á ráfi á veginum nærri morðvettvanginum. Zeena fannst í felum undir fótum látinnar móður sinnar í aftursæti bifreiðarinnar.

Saksóknarinn sagðist vonast til að systurnar geti skýrt frá einhverju nýju varðandi morðin, einhverju sem muni jafnvel verða til að rannsókn verði hafin á nýjan leik.

Fjölskyldan var í tjaldútilegu og var BMW bifreið þeirra lagt í útskoti við veginn þegar árásin var gerð. Meðal þeirra kenninga sem voru settar fram var að hjónin hefðu verið myrt vegna starfa al Hilli en hann var verkfræðingur. Önnur snerist um deilur um erfðamál í fjölskyldunni. En líklegast var talið að fjölskyldan hefði fyrir tilviljun lent í miðju uppgjöri einhverra sem búa á svæðinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Sænskur yfirlæknir – „Við höldum þetta kannski út í tvo mánuði til viðbótar“

Sænskur yfirlæknir – „Við höldum þetta kannski út í tvo mánuði til viðbótar“
Pressan
Í gær

Það sem hann gerði fyrir deyjandi eiginkonu sína hefur snortið milljónir manna

Það sem hann gerði fyrir deyjandi eiginkonu sína hefur snortið milljónir manna
Pressan
Fyrir 2 dögum

Obama, Bush og Clinton bjóðast til að láta bólusetja sig opinberlega – Vilja sýna að bóluefnið er öruggt

Obama, Bush og Clinton bjóðast til að láta bólusetja sig opinberlega – Vilja sýna að bóluefnið er öruggt
Pressan
Fyrir 2 dögum

Starfsmaður kjörstjórnar varar Trump við – Einhver verður drepinn

Starfsmaður kjörstjórnar varar Trump við – Einhver verður drepinn
Pressan
Fyrir 3 dögum

Skelfilegt blóðbað – Myrti tvær konur á einni og hálfri klukkustund

Skelfilegt blóðbað – Myrti tvær konur á einni og hálfri klukkustund
Pressan
Fyrir 3 dögum

Segir drottninguna borða lítið um hátíðirnar og elski að vaska upp

Segir drottninguna borða lítið um hátíðirnar og elski að vaska upp
Pressan
Fyrir 4 dögum

Ók yfir fólk í göngugötu – Tveir látnir og margir slasaðir

Ók yfir fólk í göngugötu – Tveir látnir og margir slasaðir
Pressan
Fyrir 4 dögum

Skotar vilja þjóðaratkvæðagreiðslu um sjálfstæði sem fyrst

Skotar vilja þjóðaratkvæðagreiðslu um sjálfstæði sem fyrst