fbpx
Mánudagur 26.júlí 2021
Pressan

Undarleg hegðun háhyrninga við strendur Portúgals og Spánar

Kristján Kristjánsson
Þriðjudaginn 15. september 2020 18:00

Mynd: NOAA

Ekki missa af Helstu tíðindum dagsins í pósthólfið þitt

Lesa nánar

Síðustu tvo mánuði hafa háhyrningar hegðað sér mjög óvenjulega og undarlega við strendur Portúgals og Spánar. Þeir hafa ítrekað ráðist á báta og valdið tjóni á þeim.

Margir sjófarendur hafa skýrt frá hópum háhyrninga sem hafa synt að bátum þeirra, synt í hringi um þá og síðan synt beint á þá. The Guardian skýrir frá þessu.

Meðal annars er haft eftir bresku konunni Victoria Morris að níu háhyrningar hafi umkringt bát hennar í sumar þegar hún var á siglingu. Þeir hafi síðan dúndrað líkömum sínum inn í bátinn í heila klukkustund.

„Þeir létu bátinn snúast í 180 gráður, vélin drap á sér og stýrið brotnaði. Háhyrningarnir áttu allan tíman í samskiptum með háum flautum. Það var eins og þetta væri skipulagt,“

sagði Morris.

Skipstjóri einn sagði að háhyrningar hafi „ráðist“ á bát hans í um 50 mínútur og hafi þeir synt á bát hans af svo miklu afli að stýrimaðurinn hafi næstum farið úr axlarlið.

Síðasta þekkta tilvikið var á föstudaginn undan strönd spænska bæjarins A Coruna. Þar réðst háhyrningur að minnsta kosti 15 sinnum á bát með því að nánast kasta líkama sínum á hann. Skipstjórinn varð að leita til hafnar til að kanna hvort tjón hefði orðið á bátnum.

Háhyrningar eru yfirleitt friðsöm og forvitin dýr og því eru margir sjávarlíffræðingar hissa á þessari hegðun þeirra að sögn The Guardian. Fram kemur að þessi hegðun þeirra geti bent til að þeir séu hugsanlega stressaðir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Texas hættir að kenna börnum að aðgerðir Ku Klux Klan hafi verið siðferðislega rangar

Texas hættir að kenna börnum að aðgerðir Ku Klux Klan hafi verið siðferðislega rangar
Pressan
Í gær

Bíósætið varð honum að bana

Bíósætið varð honum að bana
Pressan
Fyrir 2 dögum

Dularfullur apavírus dró mann til dauða – „Monkey B“ veiran veldur áhyggjum

Dularfullur apavírus dró mann til dauða – „Monkey B“ veiran veldur áhyggjum
Pressan
Fyrir 2 dögum

Japanar hafa miklar áhyggjur af stöðu Taívan

Japanar hafa miklar áhyggjur af stöðu Taívan
Pressan
Fyrir 4 dögum

Sjúkrahússtarfsmenn handteknir – Kröfðu COVID-19-sjúklinga um greiðslu fyrir sjúkrarúm

Sjúkrahússtarfsmenn handteknir – Kröfðu COVID-19-sjúklinga um greiðslu fyrir sjúkrarúm
Pressan
Fyrir 4 dögum

Sænskur barnaníðingur með mikið magn barnakláms í fórum sínum – Lögreglan fann einnig önnur hrollvekjandi gögn

Sænskur barnaníðingur með mikið magn barnakláms í fórum sínum – Lögreglan fann einnig önnur hrollvekjandi gögn