Fólk í kynlífsiðnaðinum í Þýskalandi heimtar að fara aftur í vinnuna, en vændishúsum landsins hefur verið lokað í næstum því fjóra mánuði sökum heimsfaraldurs Kórónaveiru. Vændi er löglegt og lögverndað starf í Þýskalandi. CNBC greinir frá þessu.
Síðastliðin sunnudag mótmæltu fjögur hundruð kynlífsverkafólk umræddum lokunum á rauðahverfi Hamborgar. Fólkið er ósátt með að fá ekki að starfa þar sem að önnur störf sem krefjast náinnar snertingar hafa fengið að opna í Þýskalandi, líkt og hárgreiðslustofur og húðflúrsstofur.
Samtök kynlífsiðnarfólks í Þýskalandi segir einnig að lokunin sé hættuleg mörgum sem nauðsynlega þurfa að vinna, það gæti sent fólk í vændi aftur út á göturnar þar sem það er í miklu meiru hættu.
Samtökin benda einnig á að vændishúsin hafi opnað aftur í nágrannalöndum líkt og í Hollandi, Belgíu, Sviss, Tékklandi og Austurríki. Samtökin vilja einnig meina að vændisstarfsemi þurfi alls ekki að vera meira smitandi en önnur störf sem krefjast náinnar snertingar. Þá finnst þeim óréttlát að stjórnvöld gefi þeim ekki tækifæri á að sinna sínu starfi með nýjum sóttvarnarreglum.
Talið er að um að allt að 400.000 manns starfi í kynlífsiðnaðinum í Þýskalandi, þó að engar opinberar tölur séu til um málið.