Eiginmaður hennar, George Conway, er einn af þeim repúblikönum sem mynda hópinn „The Lincoln Project“. Hópurinn er mjög óánægður með Trump. Aftonbladet skýrir frá þessu.
Fram kemur að hópurinn hafi til dæmis fjármagnað auglýsingu sem var sýnd á Fox News í síðustu viku. Hún heitir „Mourning in America“ (Sorg í Ameríku) og er undir augljósum áhrifum frá frægri auglýsingu Ronald Reagan, „It‘s morning in America again“ frá 1984. Í auglýsingu The Lincoln Project er sett fram augljós gagnrýni á Trump og viðbrögð hans við kórónuveirufaraldrinum. Bandaríkin eru veikburða, sjúk og fátækari undir forystu Trump segir í auglýsingunni.
Henni lýkur með því að eftirfarandi spurningu er varpað fram:
„Eftir fjögur ár til viðbótar af þessu, verða Bandaríkin þá til?“
Auglýsingin hefur ekki farið framhjá Trump sem lét fólkið á bak við The Lincoln Project heyra það á Twitter í síðustu viku.
A group of RINO Republicans who failed badly 12 years ago, then again 8 years ago, and then got BADLY beaten by me, a political first timer, 4 years ago, have copied (no imagination) the concept of an ad from Ronald Reagan, “Morning in America”, doing everything possible to….
— Donald J. Trump (@realDonaldTrump) May 5, 2020
„Hópur RINO (Republicans In Name Only (aðeins repúblikanar að nafninu til) innsk. blaðamanns), sem misheppnaðist hrapalega fyrir 12 árum, aftur fyrir 8 árum og var síðan valtað yfir af nýliða í pólitík fyrir fjórum árum hafa kópíerað (engin hugmyndaauðgi) hugmynd úr auglýsingu frá Ronald Reagan, „Morning in Amercia“ til að reyna að fela eigin mistök.“
„Af því að þeir vita ekki hvernig maður sigrar og hið svokallað Lincoln-verkefni er skammarlegt fyrir heiðarlega Abe (Abraham Lincoln, innsk. blaðamanns). Ég veit ekki hvað Kellyanne hefur gert við klikkaðan eiginmann sinn, Moonface (hér vísar Trump til andlitfalls, innsk. blaðamanns) en það hlýtur að hafa verið slæmt.“
Markmið The Lincoln Project er að losna við Trump úr forsetastóli. Á heimasíðu verkefnisins segir að hópurinn sé enn ósammála demókrötum í pólitík en nú hljóti forgangsverkefni allra Bandaríkjamanna, sem elska föðurlandið, að trúa á stjórnarskrána og að þeim beri skylda til að sigra þá frambjóðendur sem hafa svikið stjórnarskrárbundnar skyldur sínar, óháð úr hvaða flokki þeir koma.
Kellyanne Conway er eins og áður sagði trú og trygg forsetanum, að minnsta kosti út á við, og á fimmtudaginn veittist hún harkalega að hópnum og sagði hann aldrei hafa náð þeim árangri sem hún hefur náð með Trump.
Fyrr um daginn skrifaði eiginmaður hennar pistil í Washington Post þar sem hann sagði Trump ljúga stanslaust, ekki ólíkt því sem geðsjúklingar gera til að blekkja hver annan. Hann sagði auglýsinguna einnig ganga nærri „viðkvæmu egói“ Trump.
Daginn eftir að Trump veittist að The Lincoln Project safnaði hópurinn einni milljón dollarar til baráttu sinnar og hefur aldrei áður safnað svo miklu fé á svo skömmum tíma. Frá því að hópurinn var stofnaður í árslok 2019 og til marsloka hafði hann safnað 2,5 milljónum dollara að sögn CNBC.
