Þýska flugfélagið Lufthansa hefur ákveðið að hætta rekstri dótturfélags síns, lággjaldaflugfélagsins Germanwings. Þetta er bein afleiðing COVID-19 heimsfaraldursins segir Lufthansa sem segist þurfa að skera niður í útgjöldum sínum því erfiðir tímar séu framundan, einnig þegar heimsfaraldurinn er afstaðinn.
Einn af liðunum í niðurskurðinum er að hætta rekstri Germanwings sem hefur flogið til 66 áfangastaða í Evrópu.
Auk þess að leggja starfsemi Germanwings niður mun Lufthansa losa sig við 42 af 763 flugvélum sínum því stjórn fyrirtækisins telur ekki að fluggeirinn nái sér á strik fyrr en eftir langan tíma.