Bernie Sanders hefur dregið framboð sitt til þess að vera forsetaframbjóðandi Demókrataflokksins til baka. Það þýðir að fyrrverandi varaforsetinn Joe Biden muni mæta Donald Trump í forsetakosningunum, sem eiga að fara fram í nóvember. CNN greinir frá þessu.
Bernie þótti í byrjun árs sigurstranglegastur til að hljóta tilnefninguna, en Biden hafði tekið áberandi forystu í prófkjörunum.
Þetta var í annað sinn sem Bernie sóttist eftir tilnefningunni, en hann gerði það líka árið 2016, þegar að Hillary Clinton fór á móti Trump og laut í lægra haldi.