Maðurinn var allt annað en samvinnuþýður við lögregluna og hóstaði á lögreglumenn þegar þeir voru að handtaka hann og grýtti síðan snýtibréfi að þeim.
Þetta er talið vera hótanir og ofbeldi gagnvart opinberum starfsmönnum og því fór saksóknari fram á að maðurinn yrði úrskurðaður í gæsluvarðhald vegna rannsóknar málsins. Dómari féllst á kröfuna og úrskurðaði manninn í fjögurra vikna gæsluvarðhald. Hinn handtekni neitar sök.
Þetta er annað svona málið sem kemur upp í Danmörku nú í COVID-19 faraldrinum. Áður hafði dómari í Árósum úrskurðað mann í gæsluvarðhald fyrir að hósta á lögreglumenn og segjast vera smitaður af COVID-19. Maðurinn kærði gæsluvarðhaldsúrskurðinn en Vestri-Landsréttur staðfesti hann. Að minnsta kosti 60 daga óskilorðsbundið fangelsi liggur við brotum sem þessu.