Ismail Mohamed Abdulwahab varð í gær yngsti Bretinn til að láta lífið vegna sjúkdómsins COVID-19. Samkvæmt fjölskyldu drengsins var hann almennt heilbrigður með enga undirliggjandi sjúkdóma. Sökum þess hve sjúkdómurinn er smitandi var fjölskylda hans ekki með honum þegar hann lést, en honum hafði verið haldið sofandi í öndunarvél.
Breski miðillinn The Metro hefur eftir fjölskyldu hans: „Ismail sýndi einkenni og átti erfitt með andardrátt og var þá lagður inn á Kings Collage sjúkrahúsið. Hann var í kjölfarið settur í öndunarvél og haldið sofandi en lét lífið í gærmorgun. Að okkur vitandi hafði hann enga undirliggjandi sjíkdóma og við erum frá okkur af sorg.“
Samkvæmt heilbrigðisyfirvöldum í Bretlandi sýna tilfelli þar sem ungir einstaklingar, án undirliggjandi sjúkdóma, láta lífið sökum sjúkdómsins vel hversu mikilvægt það er að fylgja fyrirmælum yfirvalda og gæta þess að halda fjarlægð við annað fólk. Sjúkdómurinn spyr ekki um aldur og því þurfi allir að fara eftir reglum og leiðbeiningum.
Í dag höfðu rúmlega 1800 Bretar látið lífið vegna sjúkdómsins.