fbpx
Laugardagur 19.september 2020
Pressan

Prins Andrew hefur ráðið her lögmanna og almannatengla

Kristján Kristjánsson
Miðvikudaginn 25. mars 2020 17:30

Andrew prins í viðtali við BBC um mál Epstein.

Ekki missa af Helstu tíðindum dagsins í pósthólfið þitt

Lesa nánar

Andrew Bretaprins hefur verið í miklum mótvindi undanfarna mánuði vegna tengsla hans við barnaníðinginn Jeffrey Epstein og ásakana á hendur Andrew um að hann hafi nýtt sér þjónustu Epstein sem seldi aðgang að barnungum stúlkum. Bandarísk löggæsluyfirvöld vilja gjarnan ræða við Andrew en hann virðist ekki á þeim buxunum að verða við óskum þar um.

Hann hefur nú ráðið bestu lögmenn Bretlandseyja til starfa og almannatengla til að taka slaginn gegn bandarísku alríkislögreglunni FBI og bandarískum saksóknurum og til að reyna að hressa upp á stórskaddað mannorð sitt.

The Telegraph segir að Andrew hafi ráðið hóp af bestu lögmönnum Bretlandseyja og almannatengla í sama gæðaflokki til að tryggja að hann verði ekki spurður nærgöngula spurninga og til að tryggja að hann verði aftur vinsæll prins.

Einn almannatenglanna er Mark Gallagher, sem er sérfræðingur í krísustjórnun. Hann hefur til dæmis aðstoðað breska stjórnmálamenn sem voru sakaðir um að tilheyra hópi barnaníðinga. Ásakanir þessar reyndust ekki eiga við rök að styðjast.

Clare Montgomery, lögmaður og sérfræðingur í framsalsmálum, hefur einnig verið ráðin til starfa hjá prinsinum. Hún var eitt sinn lögmaður Augusto Pinochet, fyrrum einræðisherra í Chile.

Fyrr í mánuðinum sagði Geoffrey Berman, saksóknari á Manhattan, að prinsinn hafi „lokað dyrunum“ varðandi rannsóknina á máli Epstein. Epstein fyrirfór sér sumarið 2019 í fangaklefa í New York en hann sat þá í gæsluvarðhaldi grunaður um að hafa selt barnungar stúlkur í vændi.

Andrew var vinur Epstein. Prinsinn hefur verið sakaður um að hafa þrisvar sinnum stundað kynlíf með Virginia Giuffre Roberts, sem þá var 17 ára, fyrir 20 árum í Lundúnum. Hún var ein þeirra stúlkna sem Epstein greiddi fyrir að stunda kynlíf með körlum.

Bandarísk yfirvöld vilja gjarnan yfirheyra prinsinn en lögmennirnir eiga að reyna að koma í veg fyrir að það takist.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Skammar Solskjær
Pressan
Í gær

Fjögur morð í Danmörku og Svíþjóð á nokkrum klukkustundum

Fjögur morð í Danmörku og Svíþjóð á nokkrum klukkustundum
Pressan
Í gær

Hafa haldið sig frá kosningabaráttu síðustu 175 ár – Blanda sér nú í bandarísku forsetakosningarnar

Hafa haldið sig frá kosningabaráttu síðustu 175 ár – Blanda sér nú í bandarísku forsetakosningarnar
Pressan
Fyrir 2 dögum

Trump fer gegn orðum eigin sérfræðings – „Hann var ringlaður“

Trump fer gegn orðum eigin sérfræðings – „Hann var ringlaður“
Pressan
Fyrir 2 dögum

Tæplega tveir þriðju hlutar ungra fullorðinna Bandaríkjamanna vita ekki sannleikann um Helförina

Tæplega tveir þriðju hlutar ungra fullorðinna Bandaríkjamanna vita ekki sannleikann um Helförina
Pressan
Fyrir 3 dögum

Hrottalegt morðmál skekur Bretland – Örsmár hluti úr líkinu varð morðingjanum að falli

Hrottalegt morðmál skekur Bretland – Örsmár hluti úr líkinu varð morðingjanum að falli
Pressan
Fyrir 3 dögum

Undarleg hegðun háhyrninga við strendur Portúgals og Spánar

Undarleg hegðun háhyrninga við strendur Portúgals og Spánar