Það getur auðvitað verið freistandi að bregða á leik þegar fólk eyðir miklu meiri tíma saman nú en oft áður til að hindra útbreiðslu veirunnar. En hvað með þá einhleypu? Hvað geta þeir gert? Hvað má og hvað má ekki þegar kemur að kynlífi?
Danska ríkisútvarpið leitaði nýlega svara við þessu hjá Astrid Højgaard, yfirlækni hjá Sexologisk Center við Álaborgarháskóla, og lagði nokkrar spurningar fyrir hana um þetta. Dönsk yfirvöld hafa gripið til ýmissa ráðstafana vegna veirunnar og eru þær harðari en gripið hefur verið til hér á landi fram að þessu. En það má samt sem áður ætla að það sem Højgaard sagði eigi einnig við hér á landi.
„Það vitum við ekki enn. Enn hafa ekki verið gerðar rannsóknir sem sýna hvort kórónuveiran er í sæði eða leggöngum. Þegar maður stundar kynlíf er um nána snertingu við aðra manneskju að ræða. Líklega er maður í litlu og lokuðu rými þar sem maður andar nærri hvort öðru og það er aðalsmitleiðin. Veiran er í loftinu sem við öndum frá okkur.“
„Já, það er það. Ef fólk býr saman þá deilir það sömu bakteríum, veirum og sveppum. Ef maður heldur sig við kærustuna/kærastann, sem maður býr með, held ég ekki að það auki líkurnar því maður er hvort sem er í svo náinni snertingu heima. Veiran getur einnig þrifist á yfirborði hluta og meðal annars í sængurfatnaði svo ef maður býr saman eru meiri líkur á smiti.“
„Ef maður gerir það eykur maður líkurnar á að smitast af kórónuveiru. Allt bendir til að þeim mun færri snertingar sem við eigum, þeim auðveldara sé að koma í veg fyrir smit. Það er því best að sleppa því.“
„Það tel ég vera heimskulega hugmynd vegna smithættunnar. Það óþægilega við veirusmit er að maður getur smitast af einhverjum sem veit ekki að hann er smitaður vegna hins langa meðgöngutíma veirunnar. Af þeim sökum myndi ég fara varlega í að finna nýjan rekkjunaut.“
„Nei, það getur maður ekki. Sjálfsfróun er ekki vandinn þegar við ræðum um kórónuveirusmit. Það er skortur á handþvotti og hreinlæti sem er vandinn.“