Í gagnrýninni á Trump hefur komið fram að hann og ríkisstjórn hans hafi dregið lappirnar svo lengi í málinu að nú sé gríðarlegur fjöldi Bandaríkjamanna smitaður af veirunni án þess að yfirvöld viti hversu margir þeir eru. Um 6.000 hafa greinst með smit.
Trump vísaði því á bug á fréttamannafundi í gær að of seint hafi verið brugðist við og sagði aðgerðir ríkisstjórnar sinnar vera „frábærar“ þegar hann var spurður af hverju hefði ekki verið brugðist fyrr við og af meiri krafti.
„Þetta var áætlunin allt frá upphafi. Svona sáum við þetta fyrir okkur. Þetta væri næsta rökrétta skrefið. Við lokuðum snemma á Kína og ég held að það hafi bjargað miklum fjölda mannslífa.“
Sagði Trump.
Fréttamaður spurði hann þá hvort ekki væri um stefnubreytingu að ræða hjá Trump varðandi faraldurinn.
„Nei. Ég taldi þetta vera heimsfaraldur löngu áður en þetta var kallað heimsfaraldur. Það hefur því ekkert breyst.“
Var svarið.