Baba Vanga var blind búlgörsk kona. Hún fæddist 1911 og lést 1996. Hún er sögð hafa spáð rétt fyrir um marga atburði. Spádómar hennar vöktu eiginlega fyrst athygli utan Balkanríkjanna árið 2000 þegar meintur spádómur hennar um rússneska kafbátinn Kursk rættist en hann sökk þá með allri áhöfn í Barentshafi.
Eftir þetta hafa aðdáendur hennar talið sig geta lesið margt fróðlegt úr spádómum hennar og að hún hafi spáð rétt fyrir um marga mikilvæga heimsatburði. Þeir telja til dæmis að hún hafi spáð fyrir hryðjuverkaárásirnar á Bandaríkin í september 2001. Flóðbylgjuna miklu sem reið yfir stór svæði í Asíu 2004 og kjör Barack Obama sem forseta Bandaríkjanna.
Aðdáendur Vanga telja hana einnig hafa búið yfir miðilshæfileikum og að hún hafi getað átt í samskiptum við látna.
En hvað sagði Baba Vanga um árið 2020?
Þeir sem túlka spádóma hennar telja hana hafa spáð fyrir um að Vladímír Pútín, Rússlandsforseta, verði sýnt banatilræði á árinu.
Hún er einnig sögð hafa spáð því að risastór flóðbylgja skelli aftur á Asíu á þessu ári, sextán árum eftir að flóðbylgja varð 220.000 manns að bana í Suðaustur-Asíu. Ef Vanga hefur rétt fyrir sér þá mun stór flóðbylgja skellá Pakistan, Japan, Kína og Indónesíu á þessu ári.
En svo ótrúlegt sem það nú kann að virðast spáði hún ekki fyrir um COVID-19 faraldurinn.