Tveimur brynvögnum var stolið frá sænska hernum í bænum Enköping. Þjófnaðurinn uppgötvaðist síðdegis á miðvikudaginn en innbrotið átti sér stað á þriðjudag eða miðvikudag. Brynvagnarnir eru af tegund sem herinn kallar Galten.

Það ætti ekki að vera erfitt að bera kennsl á þá því þeir eru næstum sjö tonn og rúmlega fimm metra langir og þrír metrar á hæð. Þeir eru notaðir til að flytja hermenn á milli staða og geta náð allt að 120 km/klst. Brynvagnarnir eru, eins og nafnið gefur til kynna, brynvarðir og þola skot og jarðsprengjur.

Sænska lögreglan leitar nú logandi ljósi að brynvögnunum.