Heilkennið veldur því, eins og nafnið gefur til kynna, að þú ert með „minibrugghús“ í líkamanum, þar sem gersveppurinn vinnur áfengi úr sykrinum sem þú borðar. Þetta var einmitt það sem gerðist í tilfelli 61 árs gamallar konu í Bandríkjunum, sem varð til þess að bandarískir vísindamenn uppgötvuðu nýtt tilfelli af þessu afar sjaldgæfa heilkenni.
Heilkennið hefur áður fundist í þörmunum, þar sem blanda ákveðinna gersveppa og sykurríkrar fæðu, setti bruggferlið í gang. Þetta er í fyrsta sinn sem þetta finnst í blöðrunni.
Læknarnir uppgötvuðu heilkennið þegar hin 61 árs gamla kona vildi komast á biðlista eftir nýrri lifur. Hún var bæði með sykusýki, sem hún var ekki dugleg að passa uppá, og skorpulifur. Henni var hafnað eftir rannsókn á sjúkrahúsi. Henni var þess í stað ráðlagt að leita sér hjálpar vegna drykkju sinnar, en þvagprufur hennar bentu til drykkju.
Konan hélt því fram að hún ætti ekki í vandræðum með áfengi, sem fékk læknana til að skoða prufurnar betur. Það reyndist góð ákvörðun.
Svona færðu brugghús í blöðruna
Til þess að fá minibrugghús í blöðruna er mikilvægt að byrja á því að ná sér í sykursýki. Fólk með sykursýki er nefnilega með sykur í þvaginu. Allir eru með gersvepp í líkamanum, en hann er eðlilegur hluti líkamans. Á lokuðu svæði, þar sem ekkert súrefni er til staðar, eins og í blöðrunni, geta sykurinn og gersveppurinn sett í gang bruggun, sem líkist því sem gerist í brugghúsi.
Gamlar rannsóknir hafa sýnt fram á að fólk með sykursýki hafði örlítið meira áfengi í blóðinu en aðrir. Það er þó ekkert til að hafa áhyggjur af, um er að ræða afar lítið magn áfengis.
Í tilfelli bandarísku konunnar var bruggið í blöðrunni svo mikið að áfengið endaði í þvaginu. Það kom næstum því í veg fyrir að hún fengi að fara í afar mikilvæga aðgerð vegna skemmdrar lifur. Þ