Það má segja að skyndibitakeðjan Burger King fari nú nýjar og ótroðnar leiðir við markaðssetningu á vörum sínum í Danmörku og Svíþjóð. Í nýjustu auglýsingaherferð keðjunnar eru birtar myndir af flaggskipi keðjunnar, Whopper-borgaranum, mygluðum og ólystugum. Boðskapur auglýsinganna er að sýna fram á að keðjan hefur nú hætt notkun rotvarnarefna og litar- og bragðefna sem ekki eru náttúruleg.

Í fréttatilkynningu frá keðjunni kemur fram að þar á bæ telji fók að alvöru matur bragðist best. Neytendur vænti þess að maturinn uppfylli ákveðnar gæðakröfur og að ekki sé reynt að leyna einhverju.

„Við viljum sýna að það er fallegt og eðlilegt að matur mygli. Þegar brauðið, kjötið og ferskt skorið grænmetið er þakið myglu er það til merkis um að engin viðbætt efni séu til staðar. Þannig á það að vera.“

Hér er hægt að sjá myndband af hvernig Whopper rotnar á 34 dögum.